Copyright © 2023 Adjarabet Arena. All Rights Reserved.
-
Aa
+
ფონტის ზომა
ევროპის ჩემპიონატის დაწყების წინ ტურნირის მონაწილე გუნდები აქტიურად ემზადებიან და ამხანაგურ შეხვედრებს მართავენ.
ასეა საქართველოს ნაკრების მეტოქეების შემთხვევაშიც.
პორტუგალიის ნაკრები პირველ ამხანაგურ მატჩში ფინეთს დაუპირისპირდა და მეტოქე 4-2 დაამარცხა. პორტუგალიელთა მხრიდან გოლები რუბენ დიაშმა, დიოგუ ჟოტამ და ბრუნო ფერნანდეშმა გაიტანეს. მანჩესტერ იუნაიტედის ნახევარმცელმა დუბლი შეასრულა.
რობერტო მარტინესის გუნდი ევრო 2024-მდე კიდევ ორ მოსამზადებელ შეხვედრას გამართავს - 8 ივნისს ხორვატიასთან, 11 ივნისს კი ირლანდიასთან.
რაც შეეხება თურქეთის ნაკრებს, ვინჩენცო მონტელას გუნდი იტალიის ნაკრებს დაუპირისპირდა, შეხვედრა 0-0 დასრულდა, თურქებს კი ტრავმის გამო ოზან ქაბაქი გამოაკლდათ.
თურქეთი კიდევ ერთ ამხანაგურ მატჩს 10 ივნისს გამართავს პოლონეთის ნაკრების წინააღმდეგ, შემდეგ კი 18 ივნისის დაპირისპირება და საქართველოსთან შეხვედრაა.
თ
თაზო ჩარკვიანი
კომენტარები