სტად დე ფრანსზე პენალტების სერიაში საფრანგეთმა ხორვატია დაამარცხა

უეფას ერთა ლიგის A დივიზიონის პლეიოფის განმეორებით მატჩში, სტად დე ფრანსზე საფრანგეთის ნაკრებმა ხორვატია მიიღო. გუნდებს შორის პირველი შეხვედრა ხორვატების გამარჯვებით 2-0 დასრულდა.

საპასუხო მატჩის პირველი ტაიმი უგოლოდ დასრულდა, სიტუაციის მობრუნება კი ფრანგებმა მეორე ნახევარში დაიწყეს.

52-ე წუთზე ანგარიში საჯარიმო დარტყმით მაიკლ ოლისემ გახსნა. მე-80 წუთზე კი ორი მატჩის ჯამში წონასწორობა უსმან დემბელემ აღადგინა, ოლისემ ამ შემთხვევაში საგოლე გადაცემა მიითვალა.

შეხვედრაში დამატებითი ტაიმები ვიხილეთ, რომლის საშუალებითაც გამარჯვებული ვერ გაირკვა, შესაბამისად საჭირო გახდა პენალტების სერია, სადაც საუკეთესო 5-5 დარტყმულის შემდეგ ასევე ვერ გამოვლინდა.

გუნდებმა 5 დარტყმიდან 2-2 პენალტი გააცუდეს, ფრანგების მხრიდან ჟულ კუნდემ და ტეო ერნანდესმა, ხორვატებიდან კი - ბატურინამ და ივანოვიჩმა.

ხორვატიის ნაკრებიდან თავისი შანსი სტანისიჩმაც ვერ გამოიყენა, დაიო უპამეკანომ კი თერთმეტმეტრიანი ზუსტად დაარტყა და საფრანგეთის ნაკრები ერთა ლიგის A დივიზიონის 1/2 ფინალში გაიყვანა, სადაც ესპანეთის ნაკრებს დაუპირისპირდება, რომელმაც თავის მხრივ ნიდერლანდებს სძლია ასევე პენალტების სერიაში.

ოფიციალურად: 2026 წლის მუნდიალის შესარჩევში საქართველოს მეტოქე ესპანეთი იქნება