ტატა მარტინო: "წლის საუკეთესო ფეხბურთელი ვინისიუსია, მსოფლიოს საუკეთესო - მესი"

ინტერ მაიამის მთავარმა მწვრთნელმა, ხერარდო (ტატა) მარტინომ 2024 წლის ოქრო ბურთის დაჯილდოვება შეაჯამა.

„ამ ჯილდოს ჩემი ყურადღება არ მიუქცევია, იმიტომ რომ ვერასდროს ვერ ვხვდებოდი, გადაეცემოდა ის წლის საუკეთესო ფეხბურთელს, თუ მსოფლიოს საუკეთესო ფეხბურთელს - ამ მოცემულობებს შორის სხვაობა უდიდესია.

ალბათ, ვინისიუსს სრული უფლება აქვს, თავს წლის საუკეთესო ფეხბურთელად თვლიდეს. თუმცა, თუ მე მკითხავენ, ახლა მსოფლიოს საუკეთესო ფეხბურთელი ვინ არის, მე ყოველთვის ლეო მესის ვიტყვი. მგონია, რომ ეს არის ორი სხვადასხვა რაღაც." - აღნიშნა მარტინომ.

შეგახსენებთ, რომ 2024 წლის ოქროს ბურთის გამარჯვებული როდრი გახდა, მეორე ადგილს კი ვინისიუს ჯუნიორი დასჯერდა.