ტენ ჰაგი წავიდა - მისი დროებითი შემცვლელი ცნობილია

უკვე ოფიციალურად, ერიკ ტენ ჰაგი მანჩესტერ იუნაიტედს აღარ გაწვრთნის.

ცნობილია, თუ ვინ ჩაანაცვლებს ნიდერლანდელ სპეციალისტს მთავარი მწვრთნელის პოსტზე.

წითელი ეშმაკების დროებითი მთავარი მწვრთნელი ტენ ჰაგის თანამემამულე და გუნდის ყოფილი მოთამაშე, რუუდ ვან ნისტელროოი იქნება, რომელსაც ამჟამინდელი სამწვრთნელო შტაბი დაეხმარება.

ნიდერლანდელი მანჩესტერ იუნაიტედში 2001-2006 წლებში თამაშობდა, მან გუნდთან ერთად პრემიერ ლიგაც მოიგო და ოქროს ბუცის მფლობელიც გახდა.

ვან ნისტელროოი 2021-22 წლებში პსვ-ს ახალგაზრდულ გუნდს, 2022-23 წლებში კი მთავარ გუნდს წვრთნიდა, მან პსვ-ს ნიდერლანდების თასი მოაგებინა.

მიმდინარე სეზონის დასაწყისში 46 წლის ნისტელროოი ერიკ ტენ ჰაგის ასისტენტად დაინიშნა, ახლა კი ის იუნაიტედის დროებითი მწვრთნელი იქნება.