თოფურია: "მახაჩევს ქუჩაში რომ ვეჩხუბო, მისი მკურნალობის დაფინანსება მომიწევს"

ილია თოფურიამ აღნიშნა, რომ მსუბუქი წონის ჩემპიონს, ისლამ მახაჩევს დაამარცხებს.

„ისლამთან დაპირისპირება? წინააღმდეგი არ ვარ. ის შესანიშნავი მებრძოლია, რომელიც ზოგჯერ ძალიან ბევრს ლაპარაკობს. ასე რომ, შეგვიძლია ყველაფერი ოქტაგონზე გავარკვიოთ.

ქუჩაში მასთან ჩხუბს არ ვაპირებ, იმიტომ რომ ასეთ შემთხვევაში მისი მკურნალობის დაფინანსება მომიწევს." - აღნიშნა UFC-ს ქვემსუბუქი წონის ჩემპიონმა სოციალურ ქსელში გაშვებულ პირდაპირ ეთერში.

აქამდე ილიამ არაერთხელ აღნიშნა, რომ კარიერის გარკვეულ ეტაპზე ზედა წონაში ასვლას და მახაჩევთან დაპირისპირებას ისურვებდა.