"თუ არადა, სკანდალი იქნება", - ბარსას ექს-დირექტორი ვინისიუსის 6 მატჩით დასჯას ითხოვს

ბარსელონას ყოფილი დირექტორი, ტონი ფრეიშა, ვინისიუსის 6 მატჩით დასჯას ითხოვს.

ვალენსიასთან მატჩში მეკარე სტოლე დმიტრიევსკის ხელის კვრისთვის ვინისიუსი მოედნიდან გააძევეს.

„სადისციპლინო კომიტეტის 103-ე სტატია ამბობს, რომ ასეთი თავდასხმა 4-დან 12 მატჩამდე სასჯელს ითვალისწინებს.

შესაბამისად, 103-ე სტატიით ის მინიმუმ 4 მატჩით უნდა დაისაჯოს, მსაჯთან კამათისთვის კი 2-დან 3 მატჩამდე (სტატია 127). გამოდის, რომ ის მინიმუმ 6-მატჩიან სასჯელს იმსახურებს. თუ არადა, ეს სკანდალი იქნება." - წერს ფრეიშა სოციალურ ქსელში.