„უბრალოდ მოკეტეთ!“ - ფერდინანდმა რონალდუს კრიტიკოსებს მიმართა

რიო ფერდინანდმა მსოფლიო ჩემპიონატზე, უზბეკეთის წინააღმდეგ კრიშტიანუ რონალდუს მიერ შესრულებული დუბლის შემდეგ, პორტუგალიის ნაკრების კაპიტანი დაიცვა.

მანჩესტერის ყოფილმა მცველმა სოციალურ ქსელში კრიტიკოსები მკაცრად გააჩუმა და რონალდუს ფენომენალურ სპორტულ ფორმასა და რეკორდებს გაუსვა ხაზი.

ფერდინანდმა მატჩის მიმდინარეობისას რამდენიმე პოსტი გამოაქვეყნა. როდესაც ნუნუ მენდეშმა გოლი გაიტანა, რიომ ირონიულად მიმართა მათ, ვინც რონალდუს ეგოისტობაში ადანაშაულებს:

მაგრამ კრიშტიანუ ხომ გუნდური მოთამაშე არ არის

მოგვიანებით, ფერდინანდმა ვიდეომიმართვაც ჩაწერა, სადაც 41 წლის ფორვარდის მისამართით არსებულ დაუსრულებელ კრიტიკას უპასუხა:

კრიშტიანუ! ღმერთო ჩემო, აი, ამას აკეთებს ის! სერიოზულად: კრიშტიანუ რონალდუმ ამ მსოფლიო ჩემპიონატზე თავისი კვალი უკვე დატოვა. და იცით რა? ყველა ეჭვგარეშეს გასაგონად... როგორ შეგიძლიათ ეჭვი შეიტანოთ კაცში, რომელიც მე-1000 გოლისკენ მიდის? მან ახლახან გაასწრო დიდებულ ეუსებიოს და პორტუგალიის ნაკრების ისტორიაში მსოფლიო ჩემპიონატების საუკეთესო ბომბარდირი გახდა. ის ერთადერთი ცოცხალი ადამიანია, ვისაც ექვს მუნდიალზე აქვს გოლი გატანილი. იმის თქმა, რომ ეს ბიჭი მორჩა, რომ არ უნდა თამაშობდეს და გუნდს აზარალებს... პლანეტაზე ბევრი ცენტრფორვარდი არ არის, ვინც ასე მოძრაობს

რიომ რონალდუს საგოლე ალღო ერლინგ ჰალანდსაც შეადარა:

მეორე გოლი: 41 წლის კაცი მსოფლიო ჩემპიონატზე ახალგაზრდა ცენტრალურ მცველს ზურგს უკან უნიჭვდება და ისე ასრულებს, როგორც ჰოლანდი. დიდებული ჰოლანდი. მოდით, ვისიამოვნოთ ამ მოთამაშეებით. ნუ გავაკრიტიკებთ, უბრალოდ ვისიამოვნოთ! ჰეითერებს კი, რომლებიც სადღაც მალულად ზიან, ვეტყვი: მოკეტეთ!

პორტუგალიის ნაკრებს ჯგუფში 4 ქულა აქვს და შემდეგ ტურში კოლუმბიასთან გადამწყვეტი მატჩი ელის, სადაც ჯგუფში პირველი ადგილის დასაკავებლად მხოლოდ გამარჯვება სჭირდება.