ოკლაჰომა-სიტიში დაგეგმილი UFC-ის მომდევნო ტურნირი გულშემატკივრებს მთავარი ბრძოლით დაამახსოვრდებათ, რომელშიც ერთმანეთს დრიკუს დუ პლესი და კამარუ უსმანი დაუპირისპირდებიან.
დუ პლესი, რომელმაც გასული წლის აგვისტოში ხამზატ ჩიმაევთან წაგების შემდეგ საშუალო წონის ტიტული დაკარგა, კარიერაში მნიშვნელოვან დაბრუნებას გეგმავს.
მისი მოწინააღმდეგე, ნახევრად საშუალო წონის ლეგენდა კამარუ უსმანი კი ეცდება, გამარჯვებათა სერია გააგრძელოს და დაამტკიცოს, რომ კვლავ რჩება ტოპ დონის მებრძოლად.
ექსპერტები ამ დაპირისპირებას დიდ ინტერესით ელიან, თუმცა განსხვავებული მოლოდინები აქვთ: ნაწილი დუ პლესის ფიზიკურ უპირატესობასა და ძალას გამოყოფს, ნაწილი კი უსმანის ტაქტიკურ გამოცდილებაზე აკეთებს აქცენტს.
ტურნირი 18 ივლისს, Paycom Center-ში გაიმართება. წინასწარი ბრძოლები თბილისის დროით 19 ივლისს, 01:00 საათზე, მთავარი ქარდი კი 04:00 საათზე დაიწყება.
ტურნირის ქარდში ასევე წარმოდგენილია ჯარედ კანონიერის, კრისტიან ლეროი დანკანისა და ჩეის ჰუპერის მონაწილეობით გამართული შეხვედრები.
