მაკგრეგორს კრივში გადასვლას ურჩევენ

UFC-ის მსუბუქი წონის ვეტერანი დენ ჰუკერი კონორ მაკგრეგორს ურჩევს, MMA-ში კარიერა დაასრულოს და კრივი სცადოს.

ჰუკერის აზრით, მაკგრეგორის 37 წლის სხეულისთვის შერეული ორთაბრძოლები უკვე მეტისმეტია, რადგან MMA გაცილებით უფრო მეტად ტვირთავს სახსრებს, მყესებსა და ზურგს, ვიდრე კრივი.

UFC 329-ზე მიღებული მუხლის ტრავმის შემდეგ, ჰუკერი მიიჩნევს, რომ კონორისთვის ბევრად უფრო უსაფრთხო და ფინანსურად მომგებიანი იქნება კრივში დიდი სახელების წინააღმდეგ გამოსვლა.

ჰუკერი აღნიშნავს, რომ მიუხედავად იმისა, რომ კრივი ტვინისთვის შესაძლოა უფრო საშიში იყოს ხელთათმანების ზომისა და რაუნდების ხანგრძლივობის გამო, სხეულის საერთო ცვეთა ამ სპორტში გაცილებით ნაკლებია.

მაკგრეგორს უკვე აქვს კრივში ასპარეზობის ცნობილი გამოცდილება ფლოიდ მეივეზერთან, სადაც მან 100 მილიონი დოლარი გამოიმუშავა. მიუხედავად იმისა, რომ ირლანდიელს ჯერჯერობით UFC-ისთან გაფორმებული კონტრაქტის ბოლო ბრძოლის გამართვა სურს, ჰუკერის ეს რჩევა კონორის კარიერის დასკვნითი ეტაპისთვის შესაძლოა რეალური ალტერნატივა გახდეს.