ცნობილმა ამერიკელმა რეპერმა დრეიკმა UFC 331-ის წინ კიდევ ერთი მსხვილი ფსონი განათავსა, თუმცა ამჯერად საკმაოდ უცნაური გადაწყვეტილება მიიღო.
ივლისში კონორ მაკგრეგორზე 1 მილიონი დოლარის წაგების შემდეგ, მუსიკოსმა 650 ათასი დოლარი დადო მებრძოლზე, რომლის შესახებაც წარმოდგენაც კი არ ჰქონდა.
დრეიკმა ფსონი უმსუბუქესი წონის მებრძოლ ჯოშუა ვანზე განათავსა, რომელიც ალექსანდრე პანტოჟას დაუპირისპირდა. რეპერმა სოციალურ ქსელში ფსონის ბილეთი გამოაქვეყნა წარწერით: „წარმოდგენა არ მაქვს, ძმაო... მაგრამ ჯობია მოიგოს“.
რისკმა გაამართლა - ჯოშუა ვანმა პანტოჟა მსაჯების ერთსულოვანი გადაწყვეტილებით (49–46, 49–47, 50–45) დაამარცხა. ამ გამარჯვებით დრეიკმა 1.1 მილიონ დოლარზე ოდნავ მეტი მოიგო და „დრეიკის წყევლის“ თემაც კიდევ ერთხელ დაავიწყა გულშემატკივრებს.
