VIDEO: 49 ქულა - კარიმ ჯორდანის რეკორდები გაიმეორა

NBA-ის რეგულარული სეზონის მორიგ მატჩში სან ანტონიო სპურსი გოლდენ სტეიტ უორიორსს დაუპირისპირდა და დაძაბულ ბრძოლაში 108-109 დამარცხდა.

გამარჯვებულ გუნდს სტეფ კარიმ ულიდერა, რომელმაც 49 ქულა მიითვალა. სტეფმა 26-დან 16 ბურთი ჩააგდო, მათ შორის 9-დან 7 ორქულიანი და 17-დან 9 სამქულიანი. კარის 8-დან 8 საჯარიმო სროლა ზუსტი იყო.

სტეფ კარიმ 2022 წლის ნოემბრის შემდეგ ზედზიედ ორი 40-ქულიანი მატჩი პირველ ჩაატარა.

ამასთან სტეფი გახდა NBA-ის ისტორიაში მე-2 მოთამაშე, რომელმაც 35+ წლის ასაკში ზედიზედ ორ თამაშში 45+ ქულა ჩააგდო. პირველი ეს მაიკლ ჯორდანმა შეძლო.

ასევე 30+ ასაკში უორიორსის ლეგენდას 44 მატჩი დაუგროვდა, სადაც 40 ქულაზე მეტი მიითვალა, ესეც მაიკლ ჯორდანის რეკორდის გამეორებაა.

სან ანტონიო 12 მატჩში 8 მოგებით დასავლეთ კონფერენციაში მე-6 ადგილზეა, გოლდენ სტეიტი კი 14 შეხვედრაში 8 გამარჯვებით მე-8 ადგილს იკავებს.