VIDEO: იოკიჩის ჩხუბი და სამმაგი დუბლი - შაიმ ოკლაჰომას მოაგებინა

NBA-ის რეგულარული სეზონის მატჩში ოჯლაჰომა სიტი თანდერი დენვერ ნაგეტსს დაუპირისპირდა და ოვერტაიმში 127-121 დაამარცხა.

შეხვედრა ყველანაირად დაძაბული გამოდგა. ბოლო მეოთხედში ლუ დორტი ნიკოლა იოკიჩზე განზრახ უხეშად დაჯარიმდა, რასაც სერბის გაცხარება და ჩხუბი მოჰყვა. დორტი თამაშიდან გააძევეს, იოკიჩმა და კონფლიქტში მონაწილე ჯეილინ უილიამსმა კი ტექნიკური ჯარიმები მიიღეს.

გამარჯვებულ გუნდს მოქმედმა MVP-მ, შაი გილჯეს-ალექსანდერმა ულიდერა, რომელმაც 36 ქულა და 9 შედეგიანი გადაცემა მიითვალა.

დენვერიდან კი გამორჩეულები ჯამალ მარი (39 ქულა, 8 მოხსნა, 6 შედეგიანი გადაცემა) და ნიკოლა იოკიჩი იყვნენ, რომელმაც სამმაგი დუბლი შეასრულა (23 ქულა, 17 მოხსნა, 14 შედეგიანი გადაცემა).

61 მატჩში მოპოვებული 46 გამარჯვებით ოკლაჰომა დასავლეთ კონფერენციას ლიდერობს, დენვერი კი 60 შეხვედრაში 37 მოგებით მე-4 ადგილზეა.