VIDEO: ლუკა დონჩიჩის 49 ქულა - ლეიკერსმა მინესოტას მოუგო

NBA-ის რეგულარული სეზონის პირველ მატჩში გოლდენ სტეიტ უორიორსთან მარცხის შემდეგ, ლოს ანჯელეს ლეიკერსი მინესოტა ტიმბერვულვზს დაუპირისპირდა.

ამჯერად შეხვედრა ლეიკერსის გამარჯვებით 128-110 დასრულდა.

გამარჯვებულ გუნდს ლუკა დონჩიჩმა ულიდერა, რომელმაც 49 ქულა, 11 მოხსნა და 8 შედეგიანი გადაცემა მიითვალა. სლოვენიელმა 12-დან 5 სამქულიანი, 11-დან 9 ორქულიანი და 19-დან 16 საჯარიმო ჩააგდო.

მინესოტადან გამორჩეული ენტონი ედვარდსი (31 ქულა) და ჯულიუს რენდლი (26 ქულა, 9 მოხსნა) იყვნენ.

ლუკა დონჩიჩი NBA-ის ისტორიაში გახდა პირველი მოთამაშე, რომელმაც სეზონი ზედიზედ ორ მატჩში ასეთი შედეგით გახსნა - 40+ ქულა, 10+ მოხსნა, 5+ შედეგიანი გადაცემა.