VIDEO: ბოლო წამების დრამა - ორლანდომ ლეიკერსს 1 ქულით მოუგო

NBA-ის რეგულარული სეზონის მორიგ მატჩში ლოს ანჯელეს ლეიკერსი ორლანდო მეჯიქს დაუპირისპირდა.

მატჩი საკმაოდ დაძაბულ გამოდგა და ქულა ქულაში მიდიოდა, საბოლოოდ კი შეხვედრის ბედი ბოლო წამებზე გადაწყდა და ორლანდომ 109-110 იმარჯვა.

გადამწყვეტი ბურთი თამაშის დასრულებამდე 7 წამით ადრე ვენდელ კარტერტმა ჩააგდო, რომელმაც საბოლოოდ 20 ქულა და 11 მოხსნა მიითვალა. ლეიკერსს ბოლო სროლის შანსი მიეცა, თუმცა ლებრონ ჯეიმსმა პოტენციური გეიმ-ვინერი გააფუჭა.

გამარჯვებულ გუნდს ქულებში პაოლო ბანჩერომ ულიდერა, რომლის ანგარიშზეც 36 ქულა, 10 მოხსნა და 6 შედეგიანი გადაცემა იყო.

მატჩში მონაწილეობა არ მიუღია გოგა ბითაძეს, რომელმაც ბოლო 7 შეხვედრიდან მხოლოდ ერთში ითამაშა.

57 მატჩში მოპოვებული 31 მოგებით ორლანდო აღმოსავლეთ კონფერენციაში მე-7 ადგილზეა, ლეიკერსი კი 34 გამარჯვებით დასავლეთში მე-6 პოზიციას იკავებს.