VIDEO: მილანმა წაგებული პირველი ტაიმი შემოატრიალა და მძიმე თამაში მოიგო

სერია ა-ს 29-ე ტურში მილანმა შინ კომო დაამარცხა.

მატჩი სან სიროზე გაიმართა და როსონერის გამარჯვებით 2:1 დასრულდა.

პირველი ტაიმი და კუნიას გოლით სტუმრებმა 1:0 მოიგეს, თუმცა შესვენების შემდეგ კონსეისაოს გუნდმა ძალები მოიკრიბა და მეტოქეს ორი გოლი გაუტანა.

53-ე წუთზე ანგარიში კრისტიან პულიშიჩმა გაათანაბრა ტიჟანი რეინდერსის პასით, 75-ზე კი რეინდერსმა თავად მოახერხა გოლის გატანა და მილანს გამარჯვება მოუტანა.

81-ე წუთზე ორწლიანი პაუზის შემდეგ მოედანს დელე ალი დაუბრუნდა, რომელმაც 10 წუთში უხეშობისთვის წითელი ბარათი მიიღო და მოედანი ნაადრევად დატოვა.

VIDEO: ორწლიანი პაუზის შემდეგ მოედანზე დაბრუნებულმა დელე ალიმ 10 წუთში წითელი ბარათი მიიღო

მილანმა 47 ქულა დააგროვა და მე-7 ადგილს იკავებს, კომო კი 29 ქულით მე-13 პოზიციაზეა.

0-1 და კუნია (33')

1-1 პულიშიჩი (53')

2-1 რეინდერსი (75')