ზედიზედ ორი განადგურების შემდეგ, იუვენტუსმა ტიაგო მოტას მომავალზე გადაწყვეტილება მიიღო

სერია ა-ში ბოლო ორი მატჩი იუვენტუსმა საერთო ანგარიშით 0:7 წააგო.

ტურინული გუნდი ჯერ ატალანტასთან განადგურდა (0:4), შემდეგ კი ფიორენტინასთან (0:3), რამაც ტიაგო მოტას მომავალი ეჭვქვეშ დააყენა.

თუმცა, კლუბის სპორტული დირექტორის, კრისტიანო ჯუნტოლის ინფორმაციით, იტალიელი სპეციალისტის გაშვება ამ ეტაპზე არ იგეგმება.

"ჩვენ ყველანი ერთად სვლას გავაგრძელებთ." - აღნიშნა ჯუნტოლიმ ფიორენტინასთან მატჩის შემდეგ.

როგორც ფაბრიციო რომანო იტყობინება, მოტას გაშვება ამ ეტაპზე მართლაც არ იგეგმება, თუმცა მისი წასვლის საკითხი სეზონის ბოლოს სერიოზულად დადგება დღის წესრიგში.