VIDEO: ფეხბურთის, მუსიკისა და კინოს ვარსკვლავები ადიდასის ფილმში

ადიდასმა ახალი მოკლემეტრაჟიანი ფილმი Backyard Legends FIFA World Cup 2026 წარადგინა, რომელიც უბნის ლეგენდებს გრანდიოზულ ისტორიად აქცევს და მთელი მსოფლიოს სპორტსმენებს ახსენებს: You Got This („შენ ამას შეძლებ“).

ვინ მონაწილეობს ფილმში?

ოსკარზე ნომინირებული მსახიობის, ტიმოთი შალამეს ხელმძღვანელობით, ფილმი აერთიანებს ლეგენდარულ ვარსკვლავებს: ლიონელ მესის, Bad Bunny-ს, ლამინ იამალს, ჯუდ ბელინგემსა და ტრინითი როდმანს. შალამეს თვალით მაყურებელი ეცნობა ადგილობრივ გუნდს, რომელიც ფეხბურთის თამაშის თავისუფალ სულს გამოხატავს და უკვე ათწლეულებია საკუთარ მოედანს მართავს.

შალამე გადაწყვეტს შეკრიბოს გუნდი, რომელიც შეძლებს კლაივის, რუთისა და აიზაკის დამარცხებას - ადგილობრივი ტრიოს, რომლის „მოიგე ან სახლში წადი“ სერია თაობების განმავლობაში არავის დაუმარცხებია.

მათი ლეგენდა იმდენად ძლიერია, რომ 90-იანი წლების ფეხბურთის ლეგენდებიც კი დაამარცხეს - ზინედინ ზიდანი, დევიდ ბექჰემი და ალესანდრო დელ პიერო.

„ვოცნებობდი ამ ბიჭებთან თამაშზე —- ბავშვობაში Pier 40-ზე ვთამაშობდი და ბექჰემის საჯარიმოებს, დელ პიეროს გოლებსა და ზიდანის დარტყმებს წარმოვიდგენდი, ჩემს ვერსიებს ვაკეთებდი. მე მიყვარს ეს თამაში, ამიტომ წარმოუდგენელია adidas-თან ერთად ამ პროექტზე მუშაობა, თანაც იმ ადამიანებთან, ვინც ეს თამაში საუკეთესოდ იცის. მე ტრადიციონალისტი ვარ - ‘soccer’ არ ვიცი, მე ‘football’ ვიცი, და მოუთმენლად ველი ამ ზაფხულის მსოფლიო ჩემპიონატს,“ - ამბობს ტიმოთე შალამე.

ისტორიას კიდევ უფრო ამდიდრებს ოქროს ბურთის მფლობელის, უსმან დემბელეს, ასევე რაფინიას, პედრის, ფლორიან ვირცისა და სანტიაგო ხიმენესის კამეოები - თითოეული მათგანი დამატებით ლეგენდას ქმნის დაუმარცხებელი ტრიოს გარშემო.