ვიდეო: რამოსისა და თოფურიას შეხვედრა

UFC-ის ქართველმა ჩემპიონმა ილია თოფურიამ სოციალურ ქსელში სერხიო რამოსთან შეხვედრის ვიდეო გაავრცელა.

ლეგენდარულმა ესპანელმა ფეხბურთელმა თოფურიას საჩუქარიც გადასცა - საკუთარი მაისური 2021 წლის მარტში თბილისში საქართველოსა და ესპანეთის ნაკრებთა შორის ჩატარებული მატჩიდან.

თოფურია და რამოსი ახლო მეგობრები არიან. სერხიო თოფურიას ბრძოლებს ესწრება ხოლმე და მას სოციალური ქსელის დახმარებითაც ყოველთვის გულშემატკივრობს.

რამოსი ილიას UFC 308-სთვის მზადების პროცესში ესტუმრა და მას წარმატებები უსურვა. ჩემპიონი 26 ოქტომბერს მაქს ჰოლოუეის წინააღმდეგ ტიტულს დაიცავს.