VIDEO: შედეგიანი ფრე მეტროპოლიტანოზე - ყველაფერი ლონდონში გადაწყდება
2 სთ წინ · 0 წთ წასაკითხად
-
Aa
+
ფონტის ზომა
ჩემპიონთა ლიგის 1/2 ფინალის პირველ მატჩში ატლეტიკომ და არსენალმა გამარჯვებული ვერ გამოავლინეს.
მეტროპოლიტანოზე გამართული მატჩი ფრედ 1:1 დასრულდა.
პირველი ტაიმის მიწურულს ვიქტორ გიოკერეშის მიერ გატანილ პენალტს, 56-ზე ხულიან ალვარესმა წერტილიდან თავისი ზუსტი დარტყმით უპასუხა. პირველ შემთხვევაში პენალტი საჯარიმოში გიოკერეშის წაქცევისთვის დაინიშნა, მეორეში კი არსენალის მცველ ბენ უაითს ბურთი ხელში მოხვდა.
თამაში საკმაოდ საინტერესო და დაძაბული გამოვიდა - ატლეტიკო რამდენჯერმე გოლთან ახლოსაც იყო, თუმცა ხან რაიამ იყოჩაღა, ხან კი ლონდონელთა კარს მშველელად ძელი მოევლინა.
78-ე წუთზე არსენალის სასარგებლოდ მეორე პენალტიც დაინიშნა საჯარიმოში ებერეჩი ეზეს წაქცევისთვის, თუმცა გამეორების ნახვის შემდეგ მსაჯმა გადაწყვეტილება შეცვალა და თერთმეტმეტრიანიც გააუქმა.
საპასუხო თამაში 5 მაისს, ემირეითს სტედიუმზე, ლონდონში გაიმართება.
