VIDEO: სრული სიგიჟე და წლის საუკეთესო მატჩი ოლდ ტრაფორდზე - მანჩესტერი 1/2 ფინალშია

ევროპა ლიგის საპასუხო 1/4 ფინალში მანჩესტერმა და ლიონმა წლის ერთ-ერთი საუკეთესო მატჩი გამართეს.

შეხვედრა ოლდ ტრაფორდზე გაიმართა და მანკუნიანელთა გამარჯვებით, 5:4 დასრულდა, ორი მატჩის ჯამში ამორიმის გუნდმა 7:6 იმარჯვა და ნახევარფინალში გავიდა.

70-ე წუთისთვის მანჩესტერი უპრობლემოდ 2:0-ს იგებდა უგარტეს და დალოტის გოლებით, თუმცა ამის შემდეგ ლიონმა გამოიღვიძა. სამწუხაროდ, ამ დროისთვის გიორგი მიქაუტაძე მოედანზე აღარ იყო, თუმცა სტუმრებმა რვა წუთში შეძლეს ჩამორჩენის აღმოფხვრა და ორი მატჩის ჯამში ანგარიში 4:4 გახდა.

89-ე წუთზე კორენტიმ ტოლისომ მეორე ყვითელი მიიღო და ლიონი 10 კაცით დარჩა, თუმცა ამან ფრანგებს ხელი ვერ შეუშალა, რომ დამატებით დროში ორი ბურთით დაწინაურებულიყვნენ - ჯერ შერკიმ 105-ზე და შემდეგ ლაკაზეტმა 110-ზე (პენ) მანჩესტერის ოცნებები თითქოს დაასამარეს, თუმცა ოლდ ტრაფორდზე ნამდვილი სპექტალი დაიდგა - იუნაიტედმა 114-დან 121-ე წუთებამდე სამი გოლის გატანა შეძლო და მატჩი 2:4-დან 5:4-მდე შემოატრიალა.

ამ გამარჯვებით მან იუნაიტედმა ევროპა ლიგის 1/2 ფინალის საგზური მოიპოვა, სადაც ბილბაოს ატლეტიკს დაუპირისპირდება. 

1-0 უგარტე (10')

2-0 დალოტი (45+1)

2-1 ტოლისო (71')

2-2 ლაკაზეტი (78')

2-3 შერკი (105)

2-4 ლაკაზეტი (110' პენ)

3-4 ბრუნო (114' პენ)

4-4 მეინუ (120')

5-4 მაგუაიერი (121')