VIDEO: ზარიამ მეაცაზე ითამაშა - კაირათი ინტერთან მინიმალური სხვაობით დამარცხდა

გიორგი ზარიამ ჩემპიონთა ლიგის მიმდინარე სეზონში მე-3 მატჩი ჩაატარა. მისი კაირათი მილანის ინტერთან ჯუზეპე მეაცაზე დამარცხდა - 1:2.

იტალიელები ლაუტარო მარტინესის გოლით დაწინაურდნენ, რასაც მეორე ნახევარში ყაზახებმა ოფრი არადის გოლით უპასუხეს. გადამწყვეტი გოლი კი კარლოს აუგუსტომ შეაგდო და ნერაძურიმ 100%-იანი სვლა გააგრძელა.

ზარია თამაშში 76-ე წუთზე ჩაერთო, ბურთს 10-ჯერ შეეხო, 3-დან 1 წარმატებული დრიბლინგი ჰქონდა და 7-დან 6 პასი ზუსტად გააკეთა.

კაირათის ქართველმა ნახევარმცველმა ჩემპიონთა ლიგის წლევანდელ სეზონში მე-3 მატჩი ჩაატარა და ისევ ცვლილებაზე ითამაშა.

4 ტურის შემდეგ, კაირათს 1 ქულა აქვს და აუტსაიდერთა შორისაა. მომდევნო ტურში სტუმრად კოპენჰაგენს შეხვდება.

მილანის ინტერი, ბაიერნთან და არსენალთან ერთად, ტურნირზე უდანაკარგოა და მეოთხე თამაშიც მოიგო. საერთოდ, პირველი გოლი სწორედ დღეს, ყაზახური კლუბისგან გაუშვა. კრისტიან კივუს გუნდი შემდეგ ტურში ატლეტიკოს ეწვევა.