არნე სლოტმა მიანიშნა, რომ მოჰამედ სალაჰის შემცვლელის ძიებისას ლივერპული ისეთ გარემარბს შეარჩევს, რომელიც ალექსანდერ ისაკის თამაშის სტილს შეავსებს. სლოტის თქმით, შესაძლოა განიხილონ მემარჯვენე გარემარბის ვარიანტი, რადგან ისაკს ნიუკასლში იაკობ მერფისთან კარგი კავშირი ჰქონდა და ბევრ გოლს სწორედ მარჯვენა ფლანგიდან გაკეთებული ჩაწოდებების შემდეგ იტანდა.
აი, ის ფეხბურთელები, რომლებიც ლივერპულის პოტენციურ სამიზნეებად განიხილებიან:
იან დიომანდე
იანი 19 წლის ლაიფციგის ერთ-ერთი გამორჩეული ვარსკვლავია, რომელმაც ბუნდესლიგაში 12 გოლი და 7 საგოლე გადაცემა მიითვალა. მისი სატრანსფერო ღირებულება დაახლოებით 80 მილიონი ევროა.
ენტონი გორდონი
ნიუკასლის 25 წლის ფეხბურთელი ლივერპულის გულშემატკივარია, თუმცა, აღსანიშნავია, რომ მას მარჯვენა ფლანგზე თამაში ნაკლებად ხიბლავს.
ნიკო უილიამსი
მიუხედავად იმისა, რომ მიმდინარე სეზონში ტრავმების გამო მხოლოდ 4 გოლი გაიტანა, მისი სისწრაფე და დრიბლინგი პრემიერ ლიგას იდეალურად შეესაბამება. ბილბაომ შესაძლოა მისი გაყიდვა განიხილოს, თუ ევროტურნირების მიღმა დარჩება.
ჯულიანო სიმეონე
დიეგო სიმეონეს ვაჟი ატლეტიკო მადრიდში ტრადიციული სტილის მარჯვენა გარემარბად ჩამოყალიბდა. მას დიდი ენერგია და დაცვითი სამუშაოს შესრულების უნარი აქვს, რაც ლივერპულისთვის დამატებითი ძალა იქნება.
მიკა გოდტსი
აიაქსის 20 წლის ტალანტმა ერედივიზიონში 16 გოლითა და 11 პასით გაიბრწყინა. მიუხედავად იმისა, რომ ძირითადად მარცხნიდან თამაშობს, პრემიერ ლიგის სკაუტების დიდ ყურადღებას იქცევს.
