მადრიდის რეალის ბრაზილიელმა ვარსკვლავმა, ვინისიუს ჟუნიორმა ვალდებებასის საწვრთნელი კომპლექსის ის საიდუმლო კუთხე გაასაჯაროვა, რომელსაც გულშემატკივრები თითქმის ვერასდროს ხედავენ.
Mundo Deportivo-ს ცნობით, ზაფხულის დასრულების შემდეგ ვინისიუსმა სოციალურ ქსელში განვლილი თვეების შემაჯამებელი ფოტოები გამოაქვეყნა, სადაც ერთ-ერთმა კადრმა ფანების განსაკუთრებული ყურადღება მიიქცია. ფოტოზე ასახულია ვალდებებასის ის სპეციალური ადგილი, სადაც მადრიდის რეალი საკუთარ ბომბარდირებს პატივს მიაგებს, ფეხბურთელებს, რომლებმაც კლუბის მაისურით 100 ან მეტი გოლის გატანა შეძლეს.
ამ გამორჩეულ ელიტურ ჯგუფში თავად ვინისიუსიც შედის. მისი სამახსოვრო ფოტო კედელზე ისეთი ლეგენდების გვერდით კიდია, როგორებიც არიან:
სერხიო რამოსი
კარიმ ბენზემა
ფერნანდო იერო
კრიშტიანუ რონალდუ
ფერნანდო მორიენტესი
რონალდო ნაზარიო
რაულ გონსალესი
გონსალო იგუაინი
გარეთ ბეილი
მადრიდელმა გულშემატკივრებმა ბრაზილიელ შემტევს სოციალურ ქსელში მადლობა გადაუხადეს ამ უნიკალური კადრის გაზიარებისთვის. ეს ფოტო კიდევ ერთხელ ადასტურებს, რომ კლუბის სპორტული კომპლექსი ბევრი საინტერესო, ისტორიული და საზოგადოებისთვის დამალული დეტალითაა სავსე.
