"ზურიკო მსურველთა ნაკლებობას არ უჩიოდა" - ფრანგული გამოცემა დავითაშვილის ჩაშლილ ტრანსფერზე წერს

ფრანგული გამოცემა Sport-ის ცნობით, ზაფხულში სენტ-ეტიენმა ზურიკო დავითაშვილის მსურველ ოთხ კლუბს უთხრა უარი.

გამოცემის ინფორმაციით, ზაფხულში ზურიკოს მსურველთა ნაკლებობა არ ჰქონია, თუმცა ფეხბურთელი ისევ სენტ-ეტიენში რჩება.

გამოცემის მიხედვით, დავითაშვილს იმედი ჰქონდა, რომ ზედიზედ მეორე სეზონში ლიგა 2-ში თამაში არ მოუწევდა, თუმცა კლუბებს სხვა პრიორიტეტები აქვთ. მათი მიზანია კონკურენტუნარიანი გუნდის შენარჩუნება და ლიგა 1-ში დაბრუნება, თუნდაც ამისათვის ფეხბურთელების გეგმების ჩაშლა გახდეს საჭირო.

გამოცემა Sport წერს:

სენტ-ეტიენმა 5-დან 5 მატჩი მოიგო და თუ ასეთი შედეგის შენარჩუნება სურთ, ზამთარში ერთ-ერთი წამყვანი ფეხბურთელის დაკარგვა არანაირად არ შეიძლება.

ქართველი შემტევის მომავალთან დაკავშირებით გადაწყვეტილება იანვარში იქნება მიღებული, თუმცა გუნდის შედეგების გაუარესების ან კარგი შეთავაზების მიღების შემთხვევაში მწვანეებმა შესაძლოა პოზიცია შეიცვალონ.

ცნობისთვის, ლიგა 2-ის 5 მატჩში ზურიკოს უკვე 1 გოლი და 1 საგოლე პასი აქვს, Transfermarkt დავითაშვილს 12 მილიონ ევროდ აფასებს, სენტ-ეტიენი კი გავრცელებული ინფორმაციით, მის სანაცვლოდ 20 მილიონ ევროს ითხოვს.