დღეს ევრობასკეტ 2025-ზე საქართველოს ნაკრების ბედი გაირკვევა.
ჯგუფური ეტაპის დასკვნით მატჩში ჩვენი გუნდი ბოსნია და ჰერცეგოვინას დაუპირისპირდება და ჯგუფიდან გასასვლელად იბრძოლებს.
ორივე გუნდს 2-2 მოგება აქვთ და გამარჯვების შემთხვევაში 1/8 ფინალის საგზურს გაინაღდებენ. ასე რომ ბრძოლას არცერთი მათგანი არ დააკლებს.
საქართველოს ნაკრებმა პირველ ტურში ევროპის მოქმედი ჩემპიონი ესპანეთი დაამარცხა და ტურნირი მოგებით გახსნა, მე-4 ტურში კი ჯიკიჩის გუნდმა თანამასპინძელ კვიპროსს მოუგო მარტივად.
რაც შეეხება ბოსნიას, მათ პირველ ტურში კვიპროსი გაანადგურეს, მე-4 ტურში კი ასევე სენსაციურად საბერძნეთის დამარცხება მოახერხეს.
ბოსნიელების ლიდერი იუსუფ ნურკიჩია, რომელიც მიმდინარე ტურნირზე საშუალოდ 24.8 წუთში 16.8 ქულას, 8.3 მოხსნასა და 1.8 შედეგიან გადაცემას აგროვებს.
რა თქმა უნდა, საქართველოს მთავარი მიზანი გამარჯვებაა, თუმცა შანსი წაგების შემთხვევაშიც გვექნება. ასეთ დროს საბერძნეთისა და ესპანეთის მატჩის შედეგზე ვიქნებით დამოკიდებული, სადაც ესპანეთმა უნდა წააგოს.
ამ შემთხვევაში ჩვენც და ესპანეთსაც 2-2 გამარჯვება გვექნება და ურთიერთშეხვედრაში მოგების გამო შემდეგ ეტაპზე ჯიკიჩის გუნდი გავა.
საქართველოსა და ბოსნიის მატჩი 16:00 საათზე გაიმართება.
