ალ ჰილალი კიდევ ერთი ხმაურიანი ტრანსფერის განხორციელებას ცდილობს და უსმან დემბელეს დამატებაზე უკვე პირველი ნაბიჯები გადადგა.
კრისენსიო სამერვილის გაფორმების შემდეგ, საუდის არაბეთის გრანდს კიდევ ერთი უმაღლესი დონის ვინგერის დამატება სურს.
სპორტული ჟურნალისტის, საშა ტავოლიერის, ინფორმაციით, დემბელეს წარმომადგენლებთან უკვე შედგა პირველი კონტაქტები.
თუ ფრანგი ფეხბურთელი ტრანსფერზე თანხმობას განაცხადებს, ალ ჰილალი მოლაპარაკებებს ოფიციალურად დაიწყებს პარი სენ-ჟერმენთან, რომელსაც 2025 წლის ოქროს ბურთის მფლობელის კონტრაქტის გახანგრძლივება სურს.
დემბელეს პარიზულ კლუბთან კონტრაქტი 2028 წლის ივნისამდე აკავშირებს.
