ალკარასი: "Fed 05-ის დონისგან ძალიან შორს ვარ"

Laver Cup-ზე, სადაც ერთმანეთს ევროპისა და მსოფლიოს გუნდები დაუპირისპირდნენ, ესპანელმა კარლოს ალკარასმა ამერიკელი ტეილორ ფრიცი დაამარცხა.

მატჩის შემდეგ ალკარასს უთხრეს, რომ მსოფლიოს გუნდს მისთვის ახალი სახელი ჰქონდა - Fed 05. ეს ნიშნავს, რომ ჩოგბურთელი ისე თამაშობს, როგორც 2005 წელს - როჯერ ფედერერი. ეს ჩოგბურთის ისტორიაში მოთამაშის მიერ ჩატარებულ ერთ-ერთ საუკეთესო სეზონად მიიჩნევა.

ამ შეფასების შემდეგ კარლოსმა გაიღიმა და ფედერერს გახედა, რომელიც ტრიბუნაზე იყო.

"მე ამ დონისგან ძალიან შორს ვარ, თუმცა იმედია, ერთ დღეს ამ დონეს მივაღწევ, მაგრამ ეს შეუძლებელია. მათ სახელი უნდა შემიცვალონ, რადგან Fed 05 მხოლოდ მას ეკუთვნის." - განაცხადა ესპანელმა.

კარლოს ალკარასის გამარჯვებით ევროპის გუნდი Laver Cup-ის გამარჯვებული გახდა.