"არასწორად გამიგეთ", - რეალმა და ანჩელოტიმ ოფიციალური განცხადება გააკეთეს

მადრიდის რეალმა ოფიციალურად უარყო კარლო ანჩელოტის სიტყვები, თითქოს მადრიდის რეალი მსოფლიო საკლუბო ჩემპიონატში მონაწილეობაზე უარის თქმას აპირებს.

კლუბმა ოფიციალურ ვებ-გვერდზე გამოაქვეყნა განცხადება, რომ აღნიშნული ინფორმაცია სიმართლეს არ შეესაბამება და კლუბი 2025 წლის ზაფხულში გასამართ ახალ ტურნირში აუცილებლად მიიღებს მონაწილეობას.

მოგვიანებით, განცხადება გააკეთა თავად ანჩელოტიმაც, რომელმაც სოციალურ ქსელში დაწერა:

„ჩემი სიტყვები არასწორად იქნა გადმოცემული, მადრიდის რეალთან ერთად ახალი ტიტულის მოგების შესაძლებლობაზე უარს არასდროს არ ვიტყვი." - წერს იტალიელი სპეციალისტი.

ამრიგად, ახალი ფორმატის მსოფლიო საკლუბო ჩემპიონატზე, რომელიც 2025 წლის ივნისი/ივლისში გაიმართება, მადრიდის რეალსაც ვიხილავთ.