ალვარო არბელოამ ვალენსიას მოედანზე რეალის არცთუ ისე შთამბეჭდავი ისტორიული შედეგები გაიხსენა მას შემდეგ, რაც ლა ლიგის 23-ე ტურში მისმა გუნდმა 2:0 გაიმარჯვა.
„ვიცოდით, სად მივდიოდით. თუ არ ვცდები, აქ 11 წელიწადში მხოლოდ 3 გამარჯვება გვაქვს მოპოვებული. წილად მხვდა ბედნიერება, ბევრჯერ მეთამაშა მესტალიაზე და ვიცი, რამდენად რთული სტადიონია. გულშემატკივრებისთვის და ადგილობრივი გუნდისთვის რეალის წინააღმდეგ მატჩი ყოველთვის განსაკუთრებულია.
VIDEO: კარერასისა და მბაპეს გოლები - რეალმა მესტალიაზე იმარჯვა
გარდა ამისა, ხუთმცველიანმა ხაზმა, რომელიც ჩვენს წინააღმდეგ გამოიყვანეს, გვაიძულა ვყოფილიყავით უკიდურესად მომთმენები და ბევრი გვეშრომა. გამარჯვება საიმედოობამ, თავდადებამ და სერიოზულმა თამაშმა მოგვიტანა. ჩვენ ეს დავიმსახურეთ“, — განაცხადა რეალის მთავარმა მწვრთნელმა.
ამ გამარჯვებით რეალმა 57 ქულა დააგროვა, უახლოეს მდევარ ატლეტიკოს უკვე 12 ქულით გაასწრო, ლიდერ ბარსელონას კი 1 ქულით ჩამორჩება.
