არბელოამ ფულემში თავისი კაპიტანიც წაიყვანა

მადრიდის რეალმა ფულემში კიდევ ერთი თავისი აღზრდილი გაუშვა.

პრემიერ ლიგის კლუბში მანუელ ანხელი გადავიდა, რომელიც კასტილიას კაპიტანი სწორედ ლონდონელთა ახალი მთავარი მწვრთნელის, ალვარო არბელოას ხელში გახდა.

ესპანელ ნახევარმცველთან კონტრაქტი 2029 წლის ზაფხულამდე გაფორმდა, კიდევ ერთი წლით გაგრძელების შესაძლებლობით.

Marca-ს ინფორმაციით, მადრიდელებმა ანხელზე უფლებების მხოლოდ 50% გაყიდეს და სანაცვლოდ 4 მილიონი ევრო მიიღეს.

გასულ სეზონში ანხელმა ლა ლიგაში 4 მატჩის ჩატარება მოასწრო.

შეგახსენებთ, რომ აქამდე ფულემში არბელოამ რეალიდან გონსალო გარსია და სეზარ პალასიოსიც გადაიყვანა.