განრისხებული ჩელსი - ლონდონელებმა კინაღამ ენცოს ტრანსფერი ჩაშალეს

ჩელსის ხელმძღვანელობა ლამინ კამარას ჩაშლილი ტრანსფერის გამო განრისხებულია.

სატრანსფერო ფანჯრის დახურვამდე ცოტა ხნით ადრე მონაკომ ბოლო მომენტში გადაიფიქრა 22 წლის ნახევარმცველის ლონდონურ კლუბში გაყიდვა. გარიგება 55 მილიონ ევროდ იყო შეფასებული და ფაბრიციო რომანომ ტრანსფერი დახურულადაც გამოაცხადა.

BBC-ის ინფორმაციით, სამშაბათს, საზაფხულო სატრანსფერო ფანჯრის ბოლო დღეს, ჩელსის კიდევ ჰქონდა დრო, გაეუქმებინა ენცო ფერნანდესის ტრანსფერი მანჩესტერ სიტიში, თუმცა ლონდონელებმა სიტყვის დაცვა არჩიეს და არგენტინელი კონკურენტ გუნდში მაინც გაყიდეს.

ჩელსიში მიიჩნევენ, რომ შექმნილ საგანგებო სიტუაციაში მონაკოს მხრიდან არაპროფესიონალიზმის მსხვერპლნი გახდნენ.

საბოლოოდ, ენცო ფერნანდესი მან სიტის 140 მილიონი ევროს სანაცვლოდ შეუერთდა.