არდა გიულერით ლივერპული და სხვა კლუბები ინტერესდებიან, რეალის პოზიცია ცნობილია

თურქმა შემტევმა არდა გიულერმა რამდენიმე კლუბის ყურადღება მიიპყრო.

Marca-ს ინფორმაციით, 19 წლის ფეხბურთელის მიმართ ინტერესს ლივერპული, სოსიედადი და სხვა კლუბები იჩენენ.

მიუხედავად ამისა, რეალი გიულერის გაშვებას არ აპირებს. მეტიც, მომავალ სეზონში ის უფრო მეტ სათამაშო დროს მიიღებს, ვიდრე წინა სეზონში იღებდა.

ხელმძღვანელობაც და კარლო ანჩელოტიც გიულერს ხელშეუხებლად მიიჩნევენ და ამ ეტაპზე თურქის გაყიდვა გამორიცხულია.

თავისთვის სადებიუტო სეზონში გიულერმა რეალის მაისურით 12 მატჩში 6 გოლის გატანა შეძლო.