BBC-ის ინფორმაციით, ებერეჩი ეზე არსენალის სეზონის მნიშვნელოვან პერიოდს გამოტოვებს, რადგან არსებობს ვარაუდი, რომ ტრავმის გამო დაახლოებით ერთი თვე ვერ ითამაშებს.
27 წლის ფეხბურთელმა გასულ კვირას ლევერკუზენთან გამარჯვებაში წვივის კუნთის ტრავმა მიიღო, რის გამოც კვირას მანჩესტერ სიტისთან კარაბაოს თასის ფინალში ვერ ითამაშა და ასევე ინგლისის ნაკრების შეკრებას გამოაკლდა.
წყაროების მიხედვით, საწყისი ვარაუდით, შემტევ ნახევარმცველს შესაძლოა ოთხიდან ექვს კვირამდე გაუცდეს.
არსენალის მთავარი მწვრთნელი მიკელ არტეტა აცხადებს, რომ ეზე ამ კვირაში გაივლის დეტალურ სკანირებას, რათა ზუსტად დადგინდეს ტრავმის სიმძიმე.
ნებისმიერ შემთხვევაში, ეზეს დაკარგვა სერიოზული დარტყმა იქნება არსენალისთვის, რომელიც სამ ტურნირზე - პრემიერ ლიგაში, ჩემპიონთა ლიგასა და FA თასზე – იბრძვის.
