სიახლეები
სეტანტა
სპორტის გურუ
ქვიზები
-
Aa
+
ფონტის ზომა
პრემიერ ლიგის მე-5 ტურში კრისტალ პალასი მანჩესტერ იუნაიტედს უმასპინძლებს.
კრისტალ პალასი - მანჩესტერ იუნაიტედი (20:30) - უყურე მატჩს უფასოდ adjarabetarena.com-ზე.
კრისტალ პალასის მთავარი მწვრთნელის ოლივერ გლასნერის თქმით, ნახევარმცველი ჩეიკ დუკურე ტრავმის გამო რამდენიმე კვირას გამოტოვებს.
ტრევო ჩალობა და მატეუს ფრანკა დაბრუნებასთან ახლოს არიან, თუმცა მანჩესტერთან არ ითამაშებენ.
იუნაიტედში ვარჯიშს დაუბრუნდნენ მეისონ მაუნტი და რასმუს ჰოილუნდი.
ლენი იორო, ტაირელ მალასია, ვიქტორ ლინდელოფი და ლუკ შოუ კვლავ მიუწვდომელი არიან.
ურთიერთშეხვედრები
კრისტალ პალასმა პირველად შეასრულა დუბლი მანჩესტერ იუნაიტედის წინააღმდეგ გასულ სეზონში.
არწივების 4-0 გამარჯვება სელჰარსტ პარკზე მაისში მათი ყველაზე დიდი გამარჯვება იყო იუნაიტედის წინააღმდეგ 1972 წლის შემდეგ.
პრემიერ ლიგაში პირველი 20 მატჩის (4 ფრე, 16 წაგება) ვერ მოგების შემდეგ პალასმა იუნაიტედი ბოლო 10 შეხვედრიდან ხუთში დაამარცხა (2 ფრე, 3 მარცხი)
წითელ ეშმაკებს სელჰარს პარკზე ბოლო 4 მატჩი პრემიერ ლიგაში არ მოუგიათ (2 ფრე, 2 წაგება).
კრისტალ პალასი
კრისტალ პალასმა 2017-18 წლების შემდეგ პრემიერ ლიგის პირველი 4 ტური მოუგებლად ჩაატარა. მაშინ გუნდმა პირველი 7 მატჩი წააგო გოლის გატანის გარეშე.
გუნდმა ოთხივე მატჩში გოლი პირველმა გაუშვა, იგივე შედეგი მხოლოდ საუთჰემპტონს აქვს.
2024 წელს სელჰარსტ პარკზე 44 პრემიერლიგური გოლი გავიდა, მეტი გოლი მხოლოდ ვილა პარკზე (46) და სენტ ჯეიმს პარკზე (45) დაფიქსირდა ამ კალენდარულ წელში.
თებერვალში პალასის მწვრთნელად ოლივერ გლასნერის დანიშვნის შემდეგ ჟან-ფილიპ მატეტამ პრემიერ ლიგის ბოლო 17 მატჩში 15 გოლი გაიტანა და ის ამ შედეგით მხოლოდ ერლინგ ჰალანდს ჩამორჩება.
2023 წლის ოქტომბერში შეფილდთან შესრულებული ჰეთ-თრიქის შემდეგ ედი ნკეტიამ პრემიერ ლიგის 18 მატჩში გოლის გატანა ვერ შეძლო.
მანჩესტერ იუნაიტედი
მანჩესტერ იუნაიტედს ლონდონურ გუნდებთან ბოლო 16 პრემიერლიგურ მატჩში მხოლოდ 2 გამარჯვება აქვს (4 ფრე, 10 მარცხი)
სერ ალექს ფერგიუსონის წასვლის შემდეგ გუნდმა დედაქალაქში ჩატარებულ პრემიერ ლიგის 64 თამაშში 24 მარცხი განიცადა, შოტლანდიელის მწვრთნელობისას კი ამდენი მარცხი გუნდს 118 ვიზიტში ჰქონდა.
იუნაიტედმა პრემიერ ლიგაში ბოლო 5 მატჩიდან სამში კარი მშრალად შეინახა, რამდენჯერაც წინა 24 შემთხვევაში.
ერიკ ტენ ჰაგს პრემიერ ლიგის გასვლით მატჩებში შემდეგი სტატისტიკა აქვს - 40 მატჩი, 17 მოგება, 6 ფრე, 17 მარცხი.
ზედიზედ 12 უგოლო მატჩის შემდეგ მარკუს რაშფორდმა ყველა ტურნირზე ბოლო 2 მატჩში 3 გოლი გაიტანა.
თ
თაზო ჩარკვიანი
კომენტარები