სექტემბრის მატჩებისთვის განაცხადის დასახელების შემდეგ, საქართველოს ნაკრების მთავარმა მწვრთნელმა, ვილი სანიოლმა, პრესკონფერენცია გამართა.
საქართველოს ნაკრების განაცხადი თურქეთთან და ბულგარეთთან მატჩებისთვის
„თურქეთთან მატჩში შედეგზე ბევრად მნიშვნელოვანი ისაა, დასახულ მიზნებს როგორ შევასრულებთ. თურქეთი ძლიერი და ამბიციური გუნდია. გვაქვს პოტენციალი, რომ ჩვენს მიზნებს მივაღწიოთ.
სამწუხაროა, რომ ჩემი პირველი და მეორე მეკარეები კლუბებში სათადარიგო სკამზე არიან. თუ ასე გაგრძელდა, პრობლემა იქნება
„გიორგი ჩაკვეტაძე აპრილიდან ვერ გვეხმარება, არადა გუნდის მნიშვნელოვანი ნაწილია. მოგვიწევს, მოახლოვებულ მატჩებში მის გარეშე მივაღწიოთ წარმატებას.
ლაშა დვალი ამ ეტაპზე ნაკრებისთვის მზად არ იყო. სამწუხაროა, რომ ჩემი პირველი და მეორე მეკარე კლუბში სკამზე რჩება, მაგრამ ეს მათი გადაწყვეტილებაა - კლუბები მათ თვითნებურად შეიცვალეს. მართალია, მეკარეებს თამაშში ინტენსივობა ნაკლებად სჭირდებათ, მაგრამ ვფიქრობ, რომ ასე თუ გაგრძელდა, პრობლემა იქნება."
ლომინაძე დიდი ხანია გამოძახების ერთ-ერთი კანდიდატია
„რაც ნაკრებში მოვედი, ყოველთვის ვცდილობ ნაკრებში ახალგაზრდა ფეხბურთელების ინტეგრაციას. დიდი ხანია, ლომინაძე გამოძახების ერთ-ერთი კანდიდატია. აბუაშვილს პორტუგალიაში ძალიან ცოტა სათამაშო დრო ჰქონდა, თუმცა მეცში ახალი გამოწვევა მიიღო და ნაკრებში ეგრევე გამოვიძახე. იყვნენ სხვა კანდიდატებიც - მაგალითად კვერნაძე, თუმცა ამ ეტაპზე აბუაშვილს მიეცა შანსი.
ნებისმიერ შემთხვევაში, ნაკრების კარი ყველასთვის ღიაა და ალბათ ხედავთ, რომ თაობათა ცვლა და გუნდის გადახალისება მიმდინარეობს." - აღნიშნა ფრანგმა სპეციალისტმა.
ამ სეზონის წინ მამარდაშვილი ლივერპულს შეუერთდა, გუგეშაშვილი კი პაოკს, თუმცა ამ დრომდე არცერთ მეკარეს ამ სეზონში მოედანზე წუთიც კი არ აქვს ჩატარებული.
