ბაიერნის დირექტორი: "სანეს კონტრაქტს იმ შემთხვევაში გავუფორმებთ, თუ ჩავთვლით, რომ ასეა სწორი"

ბაიერნის დირექტორმა, მაქს ებერლმა, ლეროი სანეს კონტრაქტზე ორაზროვანი განცხადება გააკეთა.

გერმანიის ნაკრების შემტევს ბაიერნთან კონტრაქტი სეზონის ბოლოს ეწურება.

„ჩვენ ჩვენს საქმეს შევასრულებთ და თუ ჩავთვლით, რომ ასეა სწორი, მაშინ კონტრაქტს გავახანგრძლივებთ. ასევე, თუ გადავწყვეტთ, რომ ამის გაკეთება საჭირო არ არის, მაშინ არ გავახანგრძლივებთ.

ამჟამად ლეროისთან და მის სააგენტოსთან მოლაპარაკებები გვაქვს." - აღნიშნა მიუნხენელთა სპორტულმა დირექტორმა.