ბაიერნმა ნოიერთან ახალ კონტრაქტზე მოლაპარაკებები გადადო

ბაიერნი მანუელ ნოიერთან კონტრაქტის გახანგრძლივების საკითხს ამ ეტაპზე ეჭვის თვალით უყურებს.

Bild-ის ჟურნალისტების ცნობით, მიუნხენელები თავდაპირველად საკითხის წლის ბოლომდე მოგვარებას აპირებდნენ, თუმცა ამჟამად მოლაპარაკებები შეჩერებულია.

კლუბს სურს, უახლოეს თვეებში ნოიერის ფიზიკურ კონდიციებს და სათამაშო ფორმას დააკვირდეს და გადაწყვეტილება მხოლოდ ამის შემდეგ მიიღოს.

ნოიერმა, რომელსაც ბაიერნთან კონტრაქტი სეზონის ბოლოს ეწურება, ბუნდესლიგის 7 მატჩში ამ სეზონში კარის მშრალად შენახვა 3-ჯერ შეძლო.