ბოლო ადგილი ჯგუფში - 19-წლამდელები ისევ B ლიგაში ითამაშებენ

საქართველოს 19-წლამდელთა ნაკრებმა ევრო 2027-ის საკვალიფიკაციო ეტაპის პირველ რაუნდში გამოსვლა დაასრულა.

მე-2 ტურის შეხვედრაში, ზურაბ ხიზანიშვილის გუნდმა ისლანდიელ თანატოლებთან 2:3 წააგო, ჯგუფში ბოლო ადგილი დაიკავა და მეორე რაუნდში კვლავ B ლიგაში ითამაშებს, რაც ნიშნავს, რომ, მესამე ეტაპზე გადასასვლელად, ჯგუფის მოგება დასჭირდება.

უმცროსმა ჯვაროსნებმა კუნძულელებს ანგარიში ორჯერ გაუთანაბრეს, თუმცა მესამედ ამის გაკეთება ვეღარ შეძლეს - ანდრია ბართიშვილმა (85-ე წუთზე) და საბა ხარებაშვილმა (96-ე წუთზე) შეაგდეს.

საქართველო: ასანიძე - მარსაგიშვილი (დიაკონიძე; 56), შათირიშვილი, ხარებაშვილი, კუპრავა - ციკოლია (ავდოევი; 71), შალიკიანი, კაკაშვილი - ჩხეტიანი (ნებულიშვილი; 63), ბართიშვილი, სილაკაძე (მიქაუტაძე; 59).

საბოლოოდ, ისლანდიამ ჯგუფი პირველ ადგილზე (4 ქულით) დაასრულა, მონტენეგრო მეორეზე გავიდა (2 ქულით), ხოლო საქართველომ ბოლო პოზიცია დაიკავა (1 ქულით).

ევრო 2027-ის საკვალიფიკაციო ეტაპის მეორე რაუნდი სექტემბერ-ოქტომბერში ჩატარდება. ჯგუფში მეტოქეები მოგვიანებით გვეცოდინება.

ფოტო: NAKREBI.GE