ჰაიდენჰაიმის ქართველმა თავდამსხმელმა, ბუდუ ზივზივაძემ, ვრცლად ისაუბრა გუნდის გადარჩენის შანსებზე, მიუნხენ ბაიერნთან შესრულებულ დუბლსა და ხვიჩა კვარაცხელიასთან ურთიერთობაზე.
ბუდუ მიიჩნევს, რომ მიუხედავად რთული მდგომარეობისა, გუნდს ბუნდესლიგაში დარჩენის რესურსი ჯერ კიდევ აქვს.
„ჩვენ ვიცით, რამდენად რთულ სიტუაციაში ვართ, მაგრამ ფეხბურთში ყველაფერი ხდება. ბოლომდე უნდა გვჯეროდეს იმის, რასაც 'დიდ გაქცევას' ვეძახით. სანამ მათემატიკური შანსი არსებობს, დანებებას არ ვაპირებთ,“ - აღნიშნა ზივზივაძემ ჰაიდენჰაიმის სატურნირო მდგომარეობაზე საუბრისას.
მიუნხენ ბაიერნის წინააღმდეგ გატანილ ორ გოლთან დაკავშირებით, ქართველმა ფორვარდმა თავისი ემოციები გააზიარა:
ალიანც არენაზე დუბლის შესრულება ნებისმიერი ფეხბურთელისთვის ოცნების ტოლფასია. როდესაც ბურთს მიუნხენ ბაიერნის ბადეში ახვევ, თანაც ორჯერ, ეს ენერგიის საოცარ მოზღვავებას გაძლევს. თუმცა, პირად წარმატებაზე მეტად ახლა გუნდური ქულები მჭირდება. მირჩევნია არ გამეტანა, მაგრამ გუნდს მოეგო
ბუდუმ ასევე ისაუბრა თავის თანამემამულეზე, ხვიჩა კვარაცხელიაზე:
ხვიჩა ჩემი მეგობარია და მისი წარმატებები სერია ა-სა და ევროპულ არენაზე ყველას გვაამაყებს. ის, რასაც ის აკეთებს, ჩემთვისაც დიდი სტიმულია. ჩვენ ხშირად ვსაუბრობთ და ერთმანეთს გამოცდილებას ვუზიარებთ. მისი მაგალითი მიჩვენებს, რომ ქართველ ფეხბურთელებს ნებისმიერ დონეზე შეუძლიათ თამაში
ინტერვიუს დასასრულს ზივზივაძემ კიდევ ერთხელ გაუსვა ხაზი გუნდურ ერთობას: „ჰაიდენჰაიმი პატარა კლუბია, მაგრამ ჩვენ დიდი გული გვაქვს. ყოველ ვარჯიშზე და ყოველ მატჩში ვგრძნობ, რომ ბიჭები მზად არიან მოედანზე ყველაფერი დატოვონ.“
ქვიზების ლიგა დაიწყო!
