ჩელსის მწვრთნელის სკანდალური განცხადება

ლიამ როზენიორი: ჟოაო პედრო ევროპის საუკეთესო თავდამსხმელების კატეგორიაშია.

ჩელსის მთავარი მწვრთნელი ლიამ როზენიორი მიიჩნევს, რომ ჟოაო პედრო უკვე იმავე დონეზე დგას, რაზეც ერლინ ჰალანდი, ჰარი კეინი და კილიან მბაპე არიან. 24 წლის ბრაზილიელმა ფორვარდმა ოთხშაბათს, ვილა პარკზე შესრულებული ჰეთ-თრიკით სეზონში გატანილი გოლების რაოდენობა 17-მდე გაზარდა.

მართალია, ის ბომბარდირთა დავაში ჰალანდს 8 გოლით ჩამორჩება, თუმცა როზენიორი ხაზს უსვამს ერთ მნიშვნელოვან დეტალს: პედროს მიმდინარე სეზონში ჯერ არცერთი პენალტი არ დაურტყამს. სწორედ ამიტომ, მწვრთნელი თვლის, რომ მისი ფეხბურთელი ევროპის საუკეთესო თავდამსხმელთა შორის დასახელებას იმსახურებს.

ჟოაო უკვე ამ კატეგორიაშია. იმ ორ თვეში, რაც აქ ვარ, მან სტაბილურად აჩვენა, რომ მსოფლიო დონის თავდამსხმელია. არ მინდა ერლინს უპატივცემულოდ მოვეპყრო და მათ შედარება დავუწყო, მაგრამ ამ მომენტში ჟოაოს არავისში გავცვლიდი

თავად ჟოაო პედროს მიზანი ამ სეზონში 20 გოლის გატანაა. ამ ნიშნულთან მიახლოების შანსი მას შაბათს, ასოციაციის თასზე ექნება, თუმცა, ჯერ უცნობია, დააყენებს თუ არა მას როზენიორი ძირითად შემადგენლობაში.