დასანანი მარცხი დანიაში - იბერია სტუმრად კოპენჰაგენთან დამარცხდა

უეფა კონფერენს ლიგის მე-3 ტურში საქართველოს ჩემპიონი იბერია 1999 სტუმრად კოპენჰაგენთან დამარცხდა.

მატჩი პარკენ სტედიუმზე გაუმართა და მასპინძელთა გამარჯვებით 2:1 დასრულდა.

იბერიამ თამაში ძალიან კარგად დაიწყო და რამდენჯერმე მეტოქის კარსაც სახიფათოდ დაემუქრა, თუმცა ანგარიში მასპინძლებმა გახსნეს - მე-19 წუთზე მსაჯმა ჯერ კოპენჰაგენის შემტევი სიმულაციისთვის დააჯარიმა, თუმცა ვიდეორეფერის დახმარებით გადაწყვეტილება შეცვალა და ქართული გუნდის კარში პენალტი დანიშნა, რომელიც ელინუსიმ ზუსტად შეასრულა და თავისი გუნდი დააწინაურა.

22-ე წუთზე დანიელებმა მეორეც გაიტანეს - სელიმოვიჩმა ბურთი საკუთარ კარში ჩაჭრა.

30-ზე ამირან ძაგანიამ საჯარიმოში მეკარის არადამაჯერებელი თამაშით ისარგებლა, ერთი ბურთი გაქვითა და როგორც შემდეგ აღმოჩნდა, მატჩის საბოლოო ანგარიშიც დააფიქსირა.

მეორე ნახევარში ტიბუემ 53-ზე ანგარიშის გათანაბრებაც მოახერხა, თუმცა საქმეში კვლავ ვიდეორეფერი ჩაერთო - მსაჯმა გოლის ეპიზოდში მეკარეზე თავდასხმა შენიშნა და იბერიას გოლი გააუქმა.

საბოლოოდ, იბერია ღირსეულ ბრძოლაში, მინიმალური ანგარიშით დამარცხდა და კონფერენს ლიგის სამი ტურის შემდეგ 1 ქულა დარჩა.

მომდევნო ტურში საქართველოს ჩემპიონი თბილისში, ხეტაფეს უმასპინძლებს, რომელსაც 3 ტურის შემდეგ ჩვენს მსგავსად მხოლოდ 1 ქულა აქვს.