იულიან ნაგელსმანი გერმანიის ეროვნული საფეხბურთო ნაკრების მთავარი მწვრთნელის პოსტს ტოვებს.
მსოფლიო ჩემპიონატის მეთექვსმეტედფინალში პარაგვაისთან პენალტების სერიაში განცდილი მტკივნეული მარცხის შემდეგ, გერმანიის ფეხბურთის კავშირის ხელმძღვანელობამ 38 წლის სპეციალისტთან სამსაათიანი საგანგებო შეხვედრა გამართა.
მიუხედავად იმისა, რომ მატჩის დასრულებისთანავე ნაგელსმანი გადადგომას გამორიცხავდა, ფრანკფურტში გამართულ საიდუმლო სამიტზე DFB-ის ბოსებმა - ბერნდ ნოიენდორფმა, რუდი ფელერმა და ჰანს-იოახიმ ვაცკემ მას თანამდებობის ნებაყოფლობით დატოვებისკენ მოუწოდეს.
ნაგელსმანი ამ „ოქროს ხიდს“ გამოიყენებს და თანამდებობას ოფიციალურად დატოვებს. მედიის ინფორმაციით, კონტრაქტის ვადაზე ადრე გაწყვეტისთვის მწვრთნელი დაახლოებით 7 მილიონი ევროს ოდენობის კომპენსაციას მიიღებს.
გერმანიის ნაკრებისთვის ეს ტურნირი წარუმატებელი აღმოჩნდა, რაც ადგილობრივ პრესასა და გულშემატკივრებში დიდ უკმაყოფილებას იწვევს.
