დიდხნიანი პაუზის შემდეგ - შოტლანდიამ დანიას მოუგო და მუნდიალზე ითამაშებს

2026 წლის მსოფლიო ჩემპიონატის საკვალიფიკაციო ეტაპის ბოლო ტურში შოტლანდიის ნაკრებმა გლაზგოში დანია მიიღო.

მატჩის წინ დანიას 11 ქულა ჰქონდა, შოტლანდიას კი - 10. შესაბამისად მასპინძლებს მსოფლიო ჩემპიონატზე გასასვლელად მხოლოდ გამარჯვება სჭირდებოდათ.

შეხვედრაში ანგარიში სწრაფი გოლით გაიხსნა. მე-3 წუთზე შოტლანდია სკოტ მაკტომინეიმ დააწინაურა და პირველი ტაიმი ამ ანგარიშითაც, 1-0 დასრულდა.

57-ე წუთზე ანგარიში რასმუს ჰოილუნდმა გაათანაბრა, რომელმაც პენალტი შეასრულა ზუსტად. 78-ე წუთზე ლოურენს შენკლენდის გოლით შოტლანდია კვლავ წინ გავიდა, თუმცა აქედან 3 წუთში პატრიკ დორგუმ წონასწორობა კვლავ აღადგინა.

დანიელები მატჩის ფრედ დასრულებასთან და მუნდიალზე გასვლასთან ახლოს იყვნენ, თუმცა კომპენსირებულ დროში ჯერ კირან ტირნიმ გამოიჩინა თავი, შემდეგ კი კენი მაკლინმა ცენტრიდან გაიტანა გოლი და მატჩის საბოლოო ანგარიში, 4-2 დააფიქსირა.

ამ გამარჯვებით შოტლანდიამ 2026 წლის მუნდიალის საგზური მოიპოვა და 1998 წლის შემდეგ მსოფლიო ჩემპიონატზე პირველად ითამაშებს.