ESPN-მა MMA-ში 2025 წლის პირველი ნახევარი შეაჯამა და სხვადასხვა ნომინაციაში საუკეთესოები დაასახელა.
საუკეთესო ღონისძიება - UFC 317
UFC 317-ზე ორი სატიტულო ბრძოლა გაიმართა. ილია თოფურია UFC-ის პირველი დაუმარცხებელი ორი წონის ჩემპიონი გახდა, მან ყოფილი ჩემპიონი და გულშემატკივრების ფავორიტი ჩარლზ ოლივეირა დაანოკაუტა და მსუბუქი დივიზიონის ქამარი მოირგო.
მეორე საჩემპიონო ბრძოლაში კი უმსუბუქესი წონის ჩემპიონმა, ალექსანდრე პანტოჟამ კაი-კარა ფრანსს საბმიშენით მოუგო და ტიტული დაიცვა. გამოსარჩევი იყო ჯოშუა ვანისა და ბრენდონ როივალის სანახაობრივი ჩხუბიც.
საუკეთესო მებრძოლი - მერაბ დვალიშვილი
მერაბ დვალიშვილმა და ილია თოფურიამ ამ კატეგორიაში ხმების თანაბარი 46.2% მიიღეს, თუმცა 6 თვეში ტიტულის 2-ჯერ დაცვის გამო უპირატესობა მერაბ დვალიშვილს მიენიჭა.
ქართველმა მანქანამ ჯერ დაუმარცხებელ უმარ ნურმაგომედოვს აჯობა UFC 311-ზე, შემდეგ კი UFC 316-ზე შონ ო'მალის რემატჩში მოუგო და P4P რეიტინგის მე-3 ნომერი გახდა.
ESPN-ის სხვა ნომინაციები ასეთი იყო:
საუკეთესო ბრძოლა - ბრენდონ როივალი vs ჯოშუა ვანი UFC 317-ზე
საუკეთესო ქალი მებრძოლი - კაილა ჰარისონი
აღმოჩენა - ჯოშუა ვანი
საუკეთესო ნოკაუტი - მაურისიო რუფი კინგ გრინის წინააღმდეგ UFC 313-ზე
საუკეთესო საბმიშენი - ჟან სილვას ნინჯა ჩოუკი ბრაის მიჩელთან UFC 314-ზე
საუკეთესო მომენტი - კაილა ჰარისონისა და ამანდა ნუნესის პირისპირ დგომი UFC 316-ზე
ყველაზე განვითარებული მებრძოლი - პეიტონ ტალბოტი
