ძმები ერთ გუნდში - გოლდენ სტეიტმა სეტ კარი დაიმატა

გოლდენ სტეიტ უორიორსის ოფიციალურმა გვერდმა დაადასტურა, რომ სეტ კარი გუნდის ახალი წევრია.

სეტი გოლდენ სტეიტს თავისუფალი აგენტის სტატუსით შეუერთდა და ერთწლიანი ხელშეკრულება გააფორმა.

სეტ კარი უორიორსის ლეგენდის, სტეფის ძმაა, შესაბამისად ძმები მომავალ სეზონში ერთად ითამაშებენ.

სეტი 35 წლისაა. მას NBA-ში 2013 წლიდან მემფის გრიზლისში, კლივლენდ კავალიერსში, ფინიქს სანსში, საკრამენტო კინგსში, დალას მავერიქსში, პორტლენდ ტრეილ ბლეიზერსში, ფილადელფია სევენთისიქსერში, ბრუკლინ ნეტსსა და შარლოტ ჰორნეტსში უთამაშია.