სიახლეები
სეტანტა
სპორტის გურუ
ქვიზები
3 დღის წინ · 0 წთ წასაკითხად
-
Aa
+
ფონტის ზომა
მანჩესტერ იუნაიტედმა ეკონომიის მიზნით ალექს ფერგიუსონს ხელფასი გაუუქმა.
The Athletic-ის ინფორმაციით, ამ სეზონის შემდეგ მანკუნიანელთა ყოფილი მწვრთნელი კლუბის ელჩად მუშაობაში ფულს ვეღარ მიიღებს. წყარო არ ამბობს, კონკრეტულად რამდენს უხდიდნენ ფერგიუსონს, მაგრამ ხაზს უსვამს, რომ საუბარია მრავალ მილიონზე.
2013 წელს მთავარი მწვრთნელის პოსტიდან წასვლის შემდეგ, ფერგიუსონი კლუბის ელჩისა და ერთ-ერთი დირექტორის თანამდებობებს იკავებდა. ელჩის თანამდებობაზე ფერგიუსონის ხელფასი უცნობია, თუმცა 2014 წელს კლუბმა გამოაცხადა, რომ მწვრთნელიდან ელჩის თანამდებობაზე გადასვლის შემდეგ, ფერგიუსონს 2.16 მილიონი ფუნტი გადაუხადა.
ფერგიუსონისთვის ფულის გადახდის შეწყვეტის შესაებ პირადად ჯიმ რეტკლიფმა შეატყობინა - კლუბის თანამფლობელმა და კომპანია INEOS-ის დამფუძნებელმა. ამის მიზეზად რეტკლიფმა კლუბში აუცილებლად გასატარებელი ეკონომიური სამუშაოები დაასახელა.
როგორც ირკვევა, საკითხი მარტივად გადაწყდა. 82 წლის ფერგიუსონი კლუბის დირექტორად დარჩება და მატჩებზე დასწრებას გააგრძელებს.
შეგახსენებთ, რომ სერ ალექს ფერგიუსონი მანჩესტერ იუნაიტედის ისტორიაში ყველაზე წარმატებული მწვრთნელია. მან კლუბში 26 წელი გაატარა და 38 ტიტულის მოგება შეძლო.
ნ
ნიკა შაქარაშვილი
კომენტარები