ენრიკე კვარას და დემბელეს აფრთხილებს: "ასე თუ მოიქცევი, ვეღარაფერს მოიგებ"

პარი სენ-ჟერმენის მთავარმა მწვრთნელმა ლუის ენრიკემ რენთან მატჩის შემდეგ კვარა და დემბელე მკაცრად გააფრთხილა.

ესპანელმა სპეციალისტმა შემტევებს, რომლებიც პირველი ტაიმის შემდეგ შეცვალა, კომფორტის ზონიდან გამოსვლისკენ მოუწოდა:

ფეხბურთი ასეთია. პსჟ-ს ჯერ ამ სეზონში არაფერი მოუგია. პსჟ-ში ძველი დამსახურებები არ არსებობს! თუ იმაზე ფიქრობ, რაც უკვე მოიგე, ვეღარაფერს მოიგებ.

ლუის ენრიკემ ხაზგასმით აღნიშნა, რომ ფეხბურთელებმა საკუთარი დონე ყოველდღიურად, თითოეულ მატჩში უნდა აჩვენონ:

საჭიროა ყოველდღე, ყოველ შეხვედრაში აჩვენო, რომ მზად ხარ. ჩვენ სულ მოგება გვმართებს. იმისათვის, რომ მუდმივად გაიმარჯვო, კომფორტის ზონიდან უნდა გამოხვიდე. გასაგებია ეს?

შეგახსენებთ, რომ რენთან შეხვედრის პირველ ნახევარში პსჟ 2:0 აგებდა, რის შემდეგაც ენრიკემ ძირითადი შემადგენლობიდან დემბელე და კვარაცხელია მოხსნა.

მოედანზე შესულმა ფერან ტორესმა დუბლი შეასრულა და პარიზელებს ქულა გადაურჩინა.