ენრიკე: "კვარაცხელია საქართველო-ესპანეთის მატჩიდან მახსოვს"

პსჟ-ს მთავარმა მწვრთნელმა, ლუის ენრიკემ Sky Sport-თან ხვიჩა კვარაცხელიაზე კომენტარი გააკეთა.

"კვარაცხელიას წლებია ვაკვირდებით და მისი დამატება ყოველთვის გვსურდა. ის ჩემპიონთა ლიგაზე ვერ ითამაშებს, მაგრამ ჩვენთან რამდენიმე წელი იქნება.

ის განსხვავებული მოთამაშეა, მან ეს ნაპოლიში აჩვენა. პირადად მე ის საქართველო-ესპანეთის მატჩიდან მახსოვს. მას წარმოუდგენელი ხარისხი აქვს." - განაცხადა ესპანელმა სპეციალისტმა.

2021 წლის მარტში საქართველოს ნაკრები დინამო არენაზე ესპანეთს დაუპირისპირდა და 1-2 დამარცხდა. ჩვენი გუნდიდან გოლი სწორედ ხვიჩა კვარაცხელიამ გაიტანა.

ქართველი ფეხბურთელი პსჟ-ს ჩემპიონთა ლიგის უახლოეს მატჩებში ვერ დაეხმარება, პლეიოფში გასვლის შემთხვევაში კი პარიზელები კვარაცხელიას დაარეგისტრირებენ.

ენრიკე: "კვარაცხელია იდეალურად ერგება ჩვენს სათამაშო იდეას"