ენრიკე: "კვარაცხელია იდეალურად ერგება ჩვენს სათამაშო იდეას"

უეფას ჩემპიონთა ლიგაზე მანჩესტერ სიტისთან გასამართი მატჩისწინა პრესკონფერენციაზე პსჟ-ს მთავარ მწვრთნელ ლუის ენრიკეს ხვიჩა კვარაცხელიას შესახებ ჰკითხეს.

"ის არის მოთამაშე, რომელიც იდეალურად ერგება ჩვენს სათამაშო იდეას. ის მრავალმხრივია და აქვს თავდაცვის დიდებული უნარი. ჩვენ 11 მოთამაშე გვჭირდება, რომელიც თავს იცავს." - განაცხადა ესპანელმა სპეციალისტმა.

პარი სენ-ჟერმენისა და მანჩესტერ სიტის დაპირისპირება, რომელიც ორივე გუნდისთვის სატურნირო თვალსაზრისით მნიშვნელოვანია, 22 იანვარს (23:59 საათი) გაიმართება. 

ხვიჩა კვარაცხელია თავის ახალ გუნდს ლიგის ფაზის დარჩენილ 2 მატჩში ვერ დაეხმარება. პლეიოფში გასვლის შემთხვევაში პარიზელები ქართველის დარეგისტრირებას შეძლებენ.