საქართველოს ჩემპიონატის 2026 წლის სეზონმა სტარტი ქუთაისში აიღო.
ტორპედომ რამაზ შენგელიას სახელობის სტადიონზე ეროვნული ლიგის დებიუტანტი სპაერი მიიღო.
შეხვედრაში ანგარიში პირველივე წუთზე გაიხსნა. კომნენ ანდრიჩის პასის შემდეგ მასპინძლება გიორგი კოხრეიძემ დააწინაურა, ტორპედომ კი ტაიმი ამ გოლით მოიგო.
53-ე წუთზე ალეკო ბასილაძემ მეორე ყვითელი ბარათი მიიღო და ქუთაისური გუნდი 10 კაცით დარჩა, რითაც სტუმრებმა მალევე ისარგებლეს. მე-60 წუთზე მასპინძელთა კარში დანიშნული პენალტი გიგა სამხარაძემ გამოიყენა და ეროვნულ ლიგაში სპაერის პირველი გოლი გაიტანა.
მატჩი ფრედ დასრულებასთან ახლოს იყო, თუმცა 89-ე წუთზე ნიკა ჩაგუნავას საჯარიმოში ჩაწოდების შემდეგ ლაშა კოხრეიძემ ბრწყინვალე მაკრატელა დარტყმით აიღო ქუთაისელთა კარი და გამარჯვების გოლი გაიტანა.
ასე რომ, ეროვნული ლიგა სენსაციით დაიწყო, სპაერმა საქართველოს უმაღლეს დივიზიონში ისტორიაში პირველი გამარჯვება მოიპოვა. ეს ამ ტურში ჩატარებული ერთადერთი მატჩი იქნება, რადგან დანარჩენი შეხვედრები მეტეროლოგიური პირობების გამო გადაიდო.
